ZALEN November 12, 2023 : Lai Autonomous District Council (LADC)-a hna sang ber, Executive Secretary chelh lai, H. Lalruatkima h/o Zahmingliani chu November 10, 2023 (Zirtawpni) chawhnu dar 3:30 khan Apollo Hospital, Kolkata-ah a boral. A ruang hi naktuk hian Lawngtlai Electric veng-ah vui a ni ang.

H.Lalruatkima hi Cheural khuaah piangin, May 18, 1990-ah Group ‘B’ Officer-in LADC Service-ah a lut a. A hnathawh chhung zawng hian LADC-ah hna pawimawh hrang hrang a chelh a, chung zingah chuan District Council Industry Officer-te, Information & Public Relations Officer-te, Taxation Officer-te, Under Secretary (Legislative Department)-te, Under Secretary (GAD)-te, Art & Culture Officer-te, Education Officer (M)-te leh President & Recorder, LDCC a hna te a tel.

August 25, 2022 atanga a boral ni thlengin LADC a nihna sang ber Executive Secretary, LADC hna a chelh mek a ni.