ZALEN Dec. 1. 2025: MNF Treasurer Lalruatkiman Lai Autonomous District Council (LADC) inthlan lo awm turah LADC a vote neite MNF vote turin a ngen a, ruling ZPM party chu khawi bialah mah an ṭangrual lo a, an lungrual hek lo niin a sawi.

Vawiin a Aizawl Press Club a thuthar thehdarhtute a kawmnaah he thu hi sawiin Lalruatkima chuan, LADC inthlan lo awm turah MNF party chuan sawrkarna siam tumin theihtawp a chhuah nia sawiin, beiseina pawh an nei sang niin a sawi.

LADC a ZPM candidate an puan khan lawm avanga au thawm aiin, thinrim inhrosa thawm a ring zawk nia sawi bawkin, "Independent-in an indinthuah thliah thluah a, ZPM member an bang nasa em em a ni," a ti bawk.

MNF party in sawrkar ngelnghet, langtlang sawrkar, Lai ram hmasawnna leh Lai ram himna thlen an tum thu leh LADC huam chhunga mipui zawng zawngte MNF vote vek tura thinlung taka an ngen thu MNF Treaaurer chuan a sawi.

#ZalenNews