Aizawl;Hun engemawchen Lailapur (Cachar) atanga Balu (Sand) lei theih lohva a khaihlak hnuin, September ni 1 atang khan dan pangngaiin a lei theih leh ta. Mizoram a In sa tu ten balu (Sand) an leina pawimawh tak Lailapur area a Serlui kam Balu chu, Assam Forest dept. in mahal chungchanga harsatna a siam avangin hun engemaw chen a lak theih lohva, hei vang hian Mizoram (a bik takin Kolasib district) a Cement Concrete In sa tu ten Balu lei tur an hmuh mai thin loh avangin harsatna an tawk thin a ni. Tun dinhmunah heng Balu Mahal avanga harsatna hi tihfel tawh niin, Balu te hi an hralhchhuak leh tan tawh tih Lailapur a Balu Mahalder te chuan an sawi. Vairengte a Geology & Mining Checkgate duty te chuan Lailapur Balu te hi trip engemawzat Mizoram chhungah phurhluh ani leh tawh niin an sawi bawk.