October 8, 2023; Lailapur - Sairang inkar kawng NH chhe siam hna ngawrh tak a thawh nghal a ni a, vawiin lamah pawh hna engemawzah thawh nghal a ni.

Nimin tlaiah khan CM hovin Mizoram PWD hotute, NHIDCL leh Joint Action Committee on Pliable Road te nen meeting neiin thuchhuah intawm an siam nghal.

CM hova lo rel tawh angin vawiin Pathianni hian NHIDCL ho pawh an bung nghal. Lung phur Truck lian 5 a thleng tawh a, 5 dang kalkawngah an thang mek. Site-ah labour ṭhenkhat an thleng tawh a. Vairengte to Bilkhawthlir section-a thawk turte site-ah an awm tawh a. Silchar aṭanga rawn chho an ni.

Kolasib to Kawnpui stretch ah naktuk (Thawhtan) zing dar 9 hmain Kawnpui quarry aṭangin lung an phur lut ang a. Naktuk zingkarah vek hian Tipper 5, JCB 1, Soil Compector leh labour 8 nen an thleng ang.

Nimina CM hova thurel angin, chak taka kawng repair hna hi thawh a nih theih nan leh information inpek nan WhatsApp group siam nghal a ni a. Mizoram PWD hotute, NHIDCL lam aiawh te, Contractor-te leh JAC aiawh te, MTOA, MTDA leh mi pawimawh dangte an awm.

Group hi hmang ṭangkaiin hnathawhna hmun update an inpe reng a. Tih tur, hmalak dan tur inhrilh nan leh report inhrilh tawn nan an hmang mek a ni.