Aizawl; LPS Vision a News Editor hna chelh mek Laldinthara (43) h/o Lalruatkimi, Chanmari West chu cancer vangin nimin chawhma dar 11 khan Zemabawk Cancer Hospital-ah a boral a, a ruang hi nizan khan tlaivarpui a niin vawiin chhun dar 12 ah vui a ni ang. Laldinthara hi LPS Vision ah News Editor anih mek bakah MJA member a ni bawk a, a nupui leh fa 3 a kalsan a ni. Thartea hi nikum September thla laihawl vel atang khan hnar thi reh theilo a nei tan a, ENT doctor rawn a nih hnuin a hnar chhungah chawr a awm tih hriat a ni. Biopsy lak a nih hnuah cancer a ni tih finfiah a ni a, hun engemaw chen Guwahati leh Aizawl ah enkawl a ni a, a natna hi zual zelin nimin khan a boral ta a ni.