August 9, 2023; Lallawmsanga c/o Thankimi, Muallungthu thattu ni ngei a hriat Thanga, Myanmar raltlan chu police ten an man tawh.

Muallungthu VC leh YMA ten thuchhuah intawm an siam a tarlan a nih danin, Lallawmsanga thattu nia hriat, Myanmar raltlan, Thanga hi Tuirivanga mi huan thlam enkawltu a ni a, an ramchhungah ngei, an khaw mi kutthlak a, nunna hial laksak a ni chu pawi an tiin, an dem takzet a, a na thei ang ber hrem a nih ngei an phut.

Lallawmsanga tualthih chungchang a Kulikawn police te hmalaknaah an lawm hle tih an tarlang bawk.

Tarlan tawh angin, Lallawmsanga hi chin hriat loh a rei tak a bo hnu ah kar kalta khan a ruang hmuh a ni a, mi kuttuar ni ngeia a lan avangin police ten hnuchhui hna an thawk zui a ni.