March 8, 2023; Nizan dar 7 khan Lalpa Chhiahhlawh Intelkhawm hmalakna in kum 2023 Mizoram Inthlanpui a Pathian Lal Ram Sawrkar tana Thuthlung Bawm zawntu tur Ignite Studio ah mi panga te puangin tawngtai a hlanna hun an hmang. 

Pathian Lal Ram Sawrkar tana ding tur Lalpa Chhiahhlawh Intelkhawm te puanna leh hlanna hun hi April thla hun remchang hmasa berah neih leh tur a ni dawn a. June thla ral hmain Lalpa Chhiahhlawh Intelkhawm mi 40 te hi puan fel hman an beisei tih thu an sawi. 

Rev. Dr. Zaichhawna Hlawndo chuan, Lalpan a pianna ramah missionary tura kir tura a tih chhan ber rorelna siam that chu a takin a lo din ngei a beisei thu leh Lalpa Chhiahhlawh tura mi inpe ngam an awm chu lawmawm a tih thu a sawi a. Nehemia hova Jerusalem kulh chim rem rum din that leh vek a nih angin kan ram leh hnam tlu chhe mek tungding a siam tha turin theihtawp kan chhuah zel dawn a ni a ti bawk.

Lalpa Chhiahhlawh tura inpete leh an Bawm hunna tur te :- 

1. Rev. Dr. Zaichhawna Hlawndo - Hrangturzo 

2. Nl. Lalruatfeli Hlawndo - Aizawl North I

3. Upa K. Lalrimawia - Thorang

4. Upa H. Biaklawma - 

5. T Upa ZD. Dengngura - Lunglei South