Lalramsanga tual thihna avanga Lawngtlai ramri khar hawng leh tawh

ZALEN February 25, 2026: Lawngtlai Bawrhsap chuan thuchhuah siamin Lawngtlai District chhungah boruak in muanawm leh ralmuan lam a pan zel ni a hriat anih avangin ramri khar chu hawn a ni leh tih tarlan a ni a.

Thuchhuahin a tarlan danin Section. 163, Bhartiya Nagarik Suraksha Sanhita, 2023 (BNSS) hmanga International Border zawng zawng kharna leh border kaltlanga sumdawn phal lohna order lo chhuah tawh 16th February, 2026 ami chu - chu vawiin order chhuah atangin thu leh awm hma atan sut anih thu tarlan tel a ni bawk.

Tarlan tawh angin Myanmar ram Salachhuah a bungraw daha kal Lalramsanga, Lawngtlai AOC Veng, February ni 12 atanga chin hriat loh chu February ni 16 khan a ruang hmuh a ni a, hemi vang hian Central Young Lai Association (CYLA) chuan Myanmar ramri a khar a ni.