Aizawl: Nimin zing khan Finance Minister Lalsawta chuan MLA fund atanga sak thar, Armed Veng Branch YMA auditorium a hawng. Auditorium hawn inkhawmah hian thu sawiin bialtu MLA ni bawk Lalsawta chuan Mizoramin tlawmngai pawl tha tak tak a nei chu vanneihthlak a tih thu a sawi a, “YMA hi mipui ta a ni ngawih ngawih a, hetiang mipui rawngbawlna hmun tur auditorium sak a ni hi a lawmawm hle,” a ti. Auditorium hawn inkhawm hi branch president Z.Lalchhuanawma’n kaihruaiin YMA thil tih chu a tlo tur a ni tih rilru pu chunga auditorium hi sak a nih thu a sawi a, secretary V.Lalhmingthana’n auditorium sak a nih dan a report.