ZALEN November 2, 2025: Vawiin khan Ministry of Home Affairs, Govt. of India atanga mi huaisen chawimawina ‘Jeeven Raksha Padak Award 2025’ dawngtu, Laltlanzova, Tlangsam, Champhai District chu lawmman hlanna leh chawimawina hun, Home Minister, Office Chamber, MINECO-ah hman a ni a; Home Minister K. Sapdanga chuan he Award-in a kentel chawimawina tangkapui, citation leh pawisa fai 1,00,000/- a hlan a ni.

Jeeven Raksha Padak Award hi chhiatna leh chetsualna kara huaisen taka mi nunna chhanchhuaktute hnena hlan thin niin he chawimawina hi mi huaisen bikte dawn thin a ni a; Laltlanzova hian September ni 7, 2024 (Inrinni) khan Khawzawl District, Dulte khawdai, Dilmawiah tui tla an awm tih a hriat veleh tui tla chhan nan tuiah a zuang lut ve nghal a; Dilmawi hi feet 50 zet a thuk niin, theihtawpa a beih hnuah tui tla hi la chhuakin, a nunna a chhanhim a ni. He a thiltih ropui tak avang leh mi nunna hlu tak a chhanchhuah avang hian Jeevan Raksha Padak Award 2025 dawng tura thlanchhuah niin vawiin December 2, 2025 (Thawhlehni) hian chawimawina hi hlan a ni ta a ni. 

Amaherawhchu he award dawngtute hian lawmman kan sawi tak bak hi chu hamthatna dang, railways leh airfare-a concession kan tih ang chi hi Sawrkar atangin an dawng tawh lem lo thung a ni.