DOWNLOAD OUR APP

Read latest news on your phone
app-store
Lammual-ah The Vengaboys leh Zephyrtone te an che dawn
Nov 27, 2023

Winter Festival 2023 - Mizoram Tourism Mega Event chu December 11-16, 2023 chhung hian an nei dawn a, hemi denchhen hian rimawi ngainatute tan December 7 zanah Lammual-ah sapa talna tur chhawp chhuahin a awm dawn. Tual chhung artist tha ber berte an perform dawn a, khawvel huapa artist larte pawh an rawn che dawn e. 


The Vengaboys 

Dutch Eurodance music group hi kum 1997-a din daih tawh kha a ni a, an boruak erawh a la lian rem rem hle. Kum 2009 atang khan an che chhuak leh tan a, tunah chuan Europe mai bakah khawmualpui hrang hrang atangin sawmna an dawng hnem hle. Kum tin show vawi 100 chuang an nei thei a, chhimtu an tam viau zel bawk. 

An hla hit ber ber - Up & Down, Kiss, We Like To Party!, Uncle John From Jamaica, Boom, Boom, Boom, Boom!!, leh Shalala Lala te chu Lammual-ah ngei lampui tur a awm dawn e.  


Zephyrtone

Electronic dance leh pop music lamah chuan India rama hriat hlawh ber pawl an ni - MTV Europe Music Award-ah meuh pawh a zawna nomination hmu thei ngat an ni. Kum 2016 atanga bul tan chauh an ni a, mah se sulhnu an nei tha hle. Producer Sayan leh vocalist Zephyr te hi naupangte an nih lai atanga thian inkawm ngeih tak an ni nghe nghe. An hla hit - Miss You leh Baby Boo te chuan MTV EMA nomination an hmu nghe nghe a, dah hniam theih an ni lo. An hla hi kum 2021 chhunga hla hit zual 100 an thlan chhuah zingah pawh a lang phak hial a ni. 

An hla thar 'Tere Bina’ pawh Vh1-ah a hit hle a, kar thum chhung chu No.1 a hauh a, Spotify-ah pawh steam maktaduai khat chuang an nei thei a ni. Anni bakah hian thenawm state Assam atangin DJ hriat hlawh tak Cyco a rawn tel thei dawn bawk a ni. 


Local artist 

Mizo ten rapper kan neih that ber zinga mi G’nie a perform dawn a, Jaui kan hmu dawn bawk. Tunlai thalaite duh rawn Saiwanah che vel hmuh tur a awm dawn bakah, tleirawl duhawm Ruatpuii a che dawn bawk. Rebecca Lallawmsangi, Lilac, Michelle Varte leh zaithiam dang eng emaw zat an inlan dawn a ni - rilru hahna thawi dam turin, sual thil tih theihna do chungin Lammual pan khawm ang aw. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh