Aizawl: Mizoram Governor Lt. Gen. Nirbhay Sharma (Retd.) chuan nimin khan Rajiv Gandhi Stadium, Mualpui a Aizawl FC leh East Bengal inkhel chawlh lawk chhungin Aizawl FC football Stipend 2016 hawngin stipend hi a sem nghal. Larsap chuan thalai te hmakhua ngai a Aizawl FC an penchhuak chu lawmawm a tih thu a sawi a. Football huang chhung leh pawn ah Mizo thalai te chawkphur tur leh an kawng kawhhmuh turin mithilphal te tun aia tam zawk a rawn penchhuak turin a sawm a ni. Stipend chungchang sawifiah in Robert Romawia Royte, President, AFC chuan AFC football stipend chu football bakah zirna kawnga thalai te tih hmasawnna tura bul tanna a nih thu a sawi. AFC football stipend 2016 hi a vawikhat nan AFC under 15 player ten Governor hnen atangin an dawng a. AFC under 15 team hian kum in April 18 atang khian Goa ah Under 15 I-League Final round an khel dawn a. AFC Stipend atan hian NECS; Lalthara, Former Chief Secretary Nagaland; Bishwajit Pathak, HDFC BANK leh Prince Rufus, Jt. CEO, Aizawl FC ten sumfai an thawh a ni.