Aizawl; Sawrkar laipuiin Mizoram Larsap atana a ruat thar Uttarakhand Governor hna chelhmek Dr. Aziz Qureshi chuan a hna thar chu pawm a tum a, mahse chawlh hman hrih a tum avangin Larsap atana lakluh hun tur hi hriat a ni hrih lo. Dr. Aziz Qureshi (74) hi April ni 24,1940 khan Madhya Pradesh khawpui Bhopal ah a piang a, amah hi Muslim sakhaw betu niin Political Science, Arabic leh Urdu literature-ah te Master degree a nei a, LLB a nih bakah Political Science-ah doctorate degree a nei. Kum 1951 khan Seva Dal zawmin Congress hruaitu hlun tak a ni a, Madhya Pradesh-ah Minister ni tawhin Lok Sabha MP a ni tawh bawk a. Kum 2012 May ni 15 atang khan Uttarakhand Governor hna a thawk tan a, kumin June ni 22 leh July ni 22 khan Uttar Pradesh Governor hna a hmui zawk bawk a ni.