Aizawl: Mizoram Governor Lt. Gen. Nirbhay Sharma chuan nimin khan Sainik School Chhingchhip tlawhin Annual Day hmasa ber a hmanpui.Aizawl: Mizoram Governor Lt. Gen. Nirbhay Sharma chuan nimin khan Sainik School Chhingchhip tlawhin Annual Day hmasa ber a hmanpui. Larsap chuan Sainik School Chhingchhip dinna tura ram petu chhungkaw 60-te hnenah lawmthu sawiin, Mizo khawtlang nun thatzia a tilang a ti a. India rama school tha zinga Sainik School Chhingchhip 26-na a ni chu lawmawm a tih thu a sawi. Larsap chuan sawrkar laipuiiin hmeichhe naupangte Sainik School-ah luh a phal dawn thu a sawi a, Annual Day lawmnaa kalkhawmte chu ruihhlo leh zuk leh hmuam do turin thawhpuiah a sawm bawk. Governor hian zirlai naupangte hnenah infiamna hmanrua pein, sikula thawklai mi 6-te hnenah Proficiency Certificate a hlan nghal a ni. Principal Lt. Col. Inderjit Singh sawi danin an school ah hian zirlai naupang 60 an mek a, school aiawha inelna hrang hranga an feh chhuah thin thu leh India ram hmun thenkhatte an fankualpui thu a sawi.