A concert neih hun tur tiam chin awm loa a sawn hlat hnuah English singer Adele chuan Las Vegas-ah concert a nei thei dawn ta tih a puang. Las Vegas residency hi November atangin a tan dawn a, nakkum March thleng a awh dawn a ni. 

Ruahman dan chuan Adele hian weekend a piangin show tum hnih a nei thin dawn a, ticket man tur pawh tihchhian a ni tawh. Ticket hi US Dollar 85 ($85) atangin a intan dawn a, $685 man thleng a awm dawn a n. A tlawm ber pawh hi India pawisa chuan Rs. 5,000 vel zet a ni a, a to ber phei hi chu Rs. 40,000 man bawr vel a ni daih! Adele hian vawi khan concert-ah hian £500,000 vel zel a hawh thei dawn nia chhut a ni.  

Las Vegas residency hi zaithiamte sum lakluhna tha tak pakhat a ni a, khawvel huapa zaithiam lar ber ber ten concert an lo nei tawh thin. Adele hian Caesars Palace, Las Vegas-ah bul a tan dawn a, show vawi 32 zet a nei dawn a ni. A tira ruahman aiin show hi tum riatin a tam zawk dawn a ni. 

Kum 34 mi hian kum tir lam khan Las Vegas residency a neih tur hi hreh tak chunga a hun sawn a ngaih tur thu a lo puang tawh a nih kha - tunah chuan fan ten an duhthusam an nghakchhuak dawn ta e.