November 23, 2023; Nizan dar 7:30 vel a Lawngtlai leh Siaha District daidangtu Chhimtuipui, Tuipui Ferry-a Lawng chesual a chhanchhuah hmanloh Nayaj Uddin (22) ruang chu vawiin chawhnu khan an chetsualna bul ah hmuh niin, Lawng chesual hian Lei hlui banah a lo nekbet chu hmuh a ni.

Inhlawhfa a awm hnamdang unau pathum Najan Uddiin (24) leh a naute pahnih Nayaj Uddin (22) leh Nayan Uddin (15) te chu an pa Abdul Hanna, Karimganj a thih vanga haw tumin nizan dar 7:30 vel khan Chhimtuipui, Tuipui Ferry ah Lawng hmanga kai an tum laiin an chuanna Lawng hian Lei ban hlui supalhin a chesual a.

Lawng khalhtute Tuipui Ferry mi pahnih leh an miphurh hnamdang pahnihte chu an chetsual hnulawk hian chhanchhuah an ni a, Nayaj Uddin chu chhan hman a ni ta lova, ruang zawn hna hi thawhnghal niin, vawiin chawhnu lam khan an chetsualna hmun ah hmuh a ni ta a ni.