Lawngtlai Open Mizoram Badminton Association (MBA) Senior Ranking Badminton Tournament-ah inelna ngaihhlut ber leh lawmman sanna ber, men’s singles-ah C. Lalrohlua a champion.

Lai Cultural Centre cum Auditorium, Lawngtlai 3-a Thawhlehni atanga inelna tan hi Inrinni khan zawh fel a ni a. Lawngtlai District Badminton Association (LDBA) leh MBA tangkawp buatsaih tournament-ah hian shuttler 140 an inlan. 

Category ngaihven hlawh leh pawisa fai tamna ber, men’s singles final-ah Chaltlang Badminton Club-a khel lai, Rohlua hian Lalnuntluanga Hauhnar, New Serchhip Badminton Club chu final-ah hnehin a champion.

New Serchhip Badminton Club shuttler Nuntluanga hi men’s singles-ah champion zo lo mah se men’s doubles-ah Mano Malsawmdawngliana nen inkawpin an champion a, final-ah Isaac Lalmuanawma leh Lalrinchhana tangdun an hneh. 

Hmeichhiaah Chaltlang Badminton Club player ve ve, Liansangpuii leh Zorinkimi an langsar dun a. Liansangpuii hi women’s singles leh doubles-ah a champion kawp a. Zorinkimi hi women’s doubles leh mixed doubles-ah a champion kawp ve thung.

Hmeichhe maltanah hian final-ah Liansangpuii hian Lalnunthari a hneh a. Double’s-ah Zorinkimi nen H.C. Elisa leh Lallungawii te tangdun an hneh.

Mixed doubles-ah Zorinkimi hian C. Lalramzauva tanpuiin final-ah H. Laltanpuia leh Lallungawii te inkawp hnehin an champion a ni.

RESULT KIMCHANG:

Men's singles:

Champions: C. Lalrohlua, CTBC

Runner's up: Lalnuntluanga Hauhnar, NSBC

Women's singles:

Champions: Liansangpuii, CTBC

Runner's up: Lalnunthari, CSC

Men's doubles:

Champions: Lalnuntluanga Hauhnar, NSBC & Mano Malsawmdawngliana, BBC

Runner's up: Isaac Lalmuanawma, CSC & Lalrinchhana, MBC

Women's doubles:

Champions: Liansangpuii & Zorinkimi, CTBC

Runner's up: H. C Elisa, MBC & Lallungawii, PBC Siaha

Mixed doubles:

Champions: C. Lalramzauva, CSC & Zorinkimi, CTBC

Runner's up: H. Lalremruata, NCBC & Lalungawii, PCB Siaha