ZALEN May 30, 2026 : Lawngtlai District Legal Services Authority buatsaihin tun kar chhungin Lawngtlaia zirna in pahnihah NALSA JAGRITI Scheme hnuaiah naupangte hleilenna laka an him zawkna atan POCSO Act inzirtirna hun hman a ni. 

Adventist English School-a hun hmanah C. Lalremsanga MJS chu resource person niin zirlaite leh an nu leh pate bakah principal leh staff-te an tel a. POCSO Act inzirtirna bakah mipat hmeichhiat hleilenna laka naupangte venhim dan tur inzirtirna video tawi an en ho bawk.

Lairam Academy of Science School-ah hian C.Rosangzuala, Advocate-in zirtirna pein POCSO Act hnuaiah naupangte hriat tur hrang hrang a sawi bakah dan chungchanga zawhna an neihte a chhang.

Sikul pahnihah hian naupang pawikhawih tuarten tanpuina an hmuhna tur helpline no in hrilh a nih bakah sikul hmun remchang laiah helpline no-te hi tar a ni.