Aizawl; Nimin khan Lawngtlai-a Areopagi-ah Central Young Lai Association General Conference-in kumpuan atan a thlan 'Khawtlang Nun Siamthat' tih chu Central YLA Vice President, Kumpuan Chairman ni bawk V Thangzova'n a hawng. CYLA Vice President, V Thangzova chuan ruihhlo zuar leh tithin te chu bansan turin a sawm a, ram leh hnam tan ke pen turin a ngen. Hun reilote-ah Lawngtlai District chu Mizoram chhuahka ber a la nih dawn vangin thiltha lo tamtak pawh a lut thei tih a sawi a, heng lakah hian ram leh hnam humhalh turin YLA Member te chauh nilo, ram mipuite tanrual a ngai a ni, a ti. LADC huamchhungah Non-Tribal te hnenah ram pek a nih loh nan a hmalak te, hetiang a lo awm a nih pawhin Cancel tura hmalak te,Trading by Non-Tribal Regulation chak zawka kalpui te, ram leilung hausakna, ramngaw leh nungchate, hnam rohlu humhalh kawnga hmalak bakah In hmun, huan leh ram hnamdang hnena hralh lo tur a inzirtir bakah hralh an lo awm a nih pawhin hmalakzui zel an tum thu a sawi bawk. Supreme Court thupek anga Tribal miin Non-Tribal pasala a neih chuan, Non-Tribal-ah ngaih tur tih chungchangah, hetiang mite zawng chhuakin, Burma, Zakhai pemlut, E-Roll a thunte paih tur a hmalak leh ramdang mi E-Roll a thun lo tur a hmalak te a tel bawk.