Aizawl : State Legal Service Authority chuan kum 2015 - 2016 a hmalak an tum zingah Home \henkhat enkawl phal zat aia tam kawl leh mihring tana hmantlakloh mutbu leh ei leh in chhe lutuk ho te chu en chiana a \ul anga hmalak a tum. Thudawn danin Department enkawltu te nen thawhhoa hmalak an tum thu Zalen an hrilh bawk. Home ah hian chhungte’n an chenpui theihloh, khawlaia tei rawlai, zu leh drug ngawl veite chu tlawmnmgai pawlte’n an dahluta, chutih rualin ngawl vei sim duh tak tak te pawh an chhungte’n an dah tho nia sawiin, ‘Chhungte leh khawtlang tan hnawksak ni mahse mihring anga inzahtawnnna (humaniterian) awm mang lo chu 'dan' kalh a niin mithiamin an \hut chilh loh home \henkhat hi chu khar ni se a \ha zawk em? tih an kai hial ang,’ tiin thulakna chuan Zalen a hrilh a. Hei bakah ei leh in uluk loh te; an enkawl lai mutna tawt, inlet thei mang lo khawpa muttir home an awm nia thu an dawn thu a sawi bawk. ‘Department mawhphurtute nen thawk hoin a \ul a nih chuan kan kharsak an,' tiin SLSA hotu hnen a\anga thudawn a ni. Hun eng nge maw chen chu enthlak an ni a, an thawhpui tlawmngai pawlte pawh biak tum ni mahse dan anga tihtawp a nih phei chuan an enkawl lai te awmdan tur thlenga ruahmanna a awm a ngaih vangin hun a duh dawn niin thudawnna chuan a sawi bawk.