Aizawl: Tuipui East bialtu MLA T.Sangkunga chuan zirlaite’n lehkha an zir laiin tlawmngai pawl hrang hrangah akûl ataia inhmang lo tur leh theitâwpa lehkha zir turin a chah. Zirtawpni kaltaa Tuipuiral Zirlai Pawl General Conference vawi 33-na Khuangthing Community Hall-a neiha 'Vantlang Inkhawm' a hmanpuina ah he thu hi sawiin bialtu MLA T.Sangkunga chuan zirlaite chu ram hmasawnna tur an ngaihtuah rualin zirna atanga ram hmasawnna tur ngaihtuah bing zual turin a chah. T.Sangkunga chuan MLA a nih hma atanga bial tana a lo vei lian ber pakhat, Tuipuiral inkalpawhna pawimawh leh tangkai tur “Khuangthing to Thekte” cheng vaibelchhe tam tak senga PMGSY hmanga a MLA hun chhunga laih a ni chu lawmawm a tih thu a sawi a, bial-in zirna lama hma a sawnna atan English Medium mimal leh kohhran dinte chu a theih ang anga chhawmdawl chhunzawm zel a tum thu a sawi bawk.