Aizawl: Lengpui Airport panna Tlawng lei (bailey bridge) siam that hna thawh mek chu zawh fel a ni tawh a, tunkar hi chuan lirthei tlan theih tura hawn hman beisei a nih thu PWD hotute chuan an sawi a, lei siam mek hi nimin khan PWD hotute'n an enfiah. Tlawng lei hi October 31,2014 khan a chim a,dawh that anih mek laiin December ni 8 khan an chim nawn leh a ni. PWD hotute hnen atanga thudawn danin lei siam that hna atan hian hmanrua lei nan cheng nuai 10 sen niin, a kilhna tam tak chu lei hlui dang hluihlawn tawh atanga a milpui khawn khawm a ni a, bungraw hlui thenkhat rin theih loh te erawh Kolkata atanga chah luh a ni thung. Tlawng lei siam that taka ah hian ton 20 aia rit motor tlan lo tura ruahmanna siam a nih thu PWD hotute hnen atangin thudawn a ni bawk. Bailey Bridge thenkhat chu a kilhna bo avangin siam that a nih vat loh chuan a chim leh vat mai an hlauhthawn thu an sawi. %%%%%%%%%