ZALEN Dec. 1. 2025 : New Serchhip North Thlanmual chu lei tawlh avanga nasa taka a chet avangin he Thlanmual hi sawn tumin Thlan awmsa te sawnchhuah mek a ni.

Kumin May thla tawp-a ruah tam tham tak sur ah khan New Serchhip Kikawn-a New Serchhip North Thlanmual chu a lei tawlhin a che a, hei vang hian Thlan engemaw zat chu a chhia a. Hetianga an Thlanmual hman zui chi a nih tak loh avang hian New Serchhip North VC chuan Thlanmual hmun tur dang hi ngaihtuahin Thlanmual thar hman theih tura peihfel a nih hnuah kar kalta Zirtawpni leh Inrinni khan Thlan hlui hi laichhuakin Thlan thar-ah sawn hna hi thawh a ni.

Leimin avang hian Thlan 24 sawnchhuah ngaiin heng te hi lachhuakin Thlan thar ah hian dah a ni a, leimin avanga che ve lo Thlan dang te pawh hi kumthar lamah Thlanmual thar-ah hian sawn vek turin ruahman a ni bawk.

#ZalenNews