ZALEN, June 10, 2024; Aibawk leimin in a hnawl, a nupui nen a nunna chan Matthew Lalchhanhima (34) ruang chu hmuh a nih tak loh avangin vawiin ah vui a ni dawn.

Tarlan tawh angin, May ni 28, 2024 zinga an kawmchhak leimin in a hnawl vangin Mathew-a te nupa hi an boral a, a nupui ruang hmuh a nih hnu-ah theihtawp chhuahin Matthew-a ruang hi zawn zui ni mahse, hmuh a nih tak loh avangin vawiin (10.6.24) Thawhtanni chawhnu dar 1:00 ah vui a ni dawn ta a ni.

.

Vuina hun hi a pa, C. Lalbiakzauva inah hman a ni ang a, Matthew-a thawmhnaw thenkhat te kuangah dahin, a nupui Vanlalruali thlana phum ve tura ruahman a ni. 

.

Matthew-a nupui Vanlalruali chu May ni 31, 2024 khan Hortoki ram, Tlawng luiah a ruang hmuh a lo ni tawh.

A nawlpuia rung zawnna hun khar a nih hnuah thenrual tha te, an awmna Aibawk Branch YMA leh Salem section ten theihtawp chhuaha an zawn leh hnuah pawh hmuh a nih tak loh avangin thlahna hun hi hman a ni dawn ta a ni.