ZALEN, 29th May 2024 : Matthew Lalchhanhima (34) leh a nupui Vanlalruali (34) Aibawk, te ruang chu hmuh zawh a la ni lo. Mathhew-ate in thlangah hian kawr awmin, chu chuan Tlawng Lui a pawh a,mi thenkhat chuan Tlawng an thlen thlak tawh an ring.

Zalên thudawn danin Matthew-a te nupa hi nimin zing ruahsur lai khan an in châwpin leimin in a hnawl a, chhiat tawh thu hriat a nih ve leh Aibawk khawtlang leh Veng thenawm mi tlawmngai te'n hnatlanga ruang zawn hna hi thawk nghalin chanchin buatsaih lai hian hmuh an la ni lo.

Matthew Lalchhanhima leh a nupui Vanlalruali te hian fa pahnih kum 9 leh kum 14 mi Daphne Zonunsangi leh Ramsey Zosangpuia neiin, chhiat tawh zan hian a pu (Vanalruali pa Lalremsanga (L) te in-a an riah chhuah chhuah lai a ni.

May ni 30 hian ruang zawng hna hi chhunzawm leh a ni ang.