ZALEN July 09, 2026 : Bualte dai leimina tangkhang, Lawngtlai lam panpui tur ruang chu vawiinah khan Bualte Branch YMA member ten leimin nasa tak karah an zawn kai.

Tarlan tawh angin Bualte khaw daiah hian hmun hnihah leiminin kawng a hnawh pin avangin khualzin tangkhang mi 300 chuang an awm mek a ni.

Bualte khua hi in 97 vel awmna leh mihring 460 vel chenna a ni a. Khawtlang hruaitute chuan leimin hi a len tham deuh avangin vawiin lamah pawh an then fai hman an rin loh thu an sawi.

Khualzin tangkhangte ei tur leh riahna tur hi YMA leh VC ten an buatsaihsak a, nizanah khan khualzin mi 200 chuang an awm a, vawiin tlai thleng khan khualzin mi 300 chuang chu leimin avangin Bualte khuaah hian an awm mek a ni.