November 23, 2023; Aizawl Municipal Corporation (AMC) huam chhungah lei laih leh a vung paih phal a ni chho mek a, hetihlai hian kawngsir a leivung paih/bun mai ching an la awm niin a lang.

ZALEN thudawn danin, AMC area ah leivung paih phalna hmun 9 vel a awm a, chung hmun ni lo ah chuan leivung paih phal a ni lo.

Hetihlai hian hmun hrang hrangah tunlaiin in sakna tur lei lai an tam a, a paihna tur hmun ni lo a paih mai ching pawh an awm nia thudawn a ni.

Lirthei hmang a leivung paih thin zingah a paihna tur hmun ni lo, kawngpui sir langsar tak a paih/bun mai ching an awm nia hriat niin, hetiang tih chingte hi man an nih chuan dan angin pawisa chawi leh jail tan thleng a hrem theih an ni.