Lelte Award 2023 sem zawh a ni ta
![](https://zalen.s3.ap-south-1.amazonaws.com/images/news/1700245454_zo.jpg)
Lelte Award 2023 chu Ningani leh Zirtawpni zan khan Dawrpui Multipurpose Centre-ah sem a ni a, ngaihhlut a hlawh hle. Lelte Award vawi 32-na hi Gospel leh Lengzem huangahte then niin, Gospel sem hmasak a ni a, Lengzem hmangin khar a ni.
Gospel
Rinlawk ang ngeiin Zorema Khiangte a langsar a, Singer of the Year (Male) hlan a ni - hmeichhe lamah Maruati chuan Singer of the Year award hi a hum haw ve bawk. Mipui rilru hneh ber tih ngam chu Song of the Year a ni a, famta Joseph Zaihmingthang-a'n ama hla phuah ngei thiam taka a sak 'Minlo kai ang em' tih chu thlan a ni. Joseph-a award dawn hi a nu chuan a lak sak a, Joseph-a fa ten an tawiawm bawk a ni.
Jonathan Lianhna music video 'Nun Tobul' chu Music Video of the Year atan thlan a ni a, New Artist of the Year chu C. Vanlalroluahtumi a ni. Duo/Group of the Year atan Seraphic Choir te thlan an ni a, Song Composer of the Year chawimawina chu Jonathan Lianhna hnenah hlan a ni - award pahnih la thei awm chhun niin mimala langsar ber a ni.
Mizoram Synod Choir ten Choir of the Year award an la a, Pavalai Zaipawl of the Year atan Kanan Kohhran Pavalai Zaipawl te thlan an ni bawk.
Lengzem
Lengzem category hi Zirtawpni zan khan sem a ni a, a hmunah entu mipui an khat a, TV leh YouTube lam atangin entu an thahnem hle bawk. Lengzem-ah hian tun lai artist lar - Saiwanah leh Young Fella te an langsar a, award pahnih ve ve an humhaw a ni.
Saiwanah hian award ngaihhlut pahnih - Song of the Year leh Song Composer of the Year te a la a, mi bik a nih zia a pholang chiang hle. Song of the Year atan hian tuma thik rual lohin SaiWanah X Mary Dawngi 'Ka Pa Khuma' chu thlan a ni.
Rap Artist of the Year dawngtu Young Fella hian award pahnih a humhaw bawk a, Rebecca Lallawmsangi nen Duo/Group of the Year an la a ni. H. Lalrempuia chu Singer of the Year atan thlan a ni a, hmeichhe lamah Zaii Hauchhum chuan he award hi a la ve thung - a phu hle. Michelle Varte chuan a musicvideo thar 'Ka chanpual' tih hmangin Music Video of the Year a la a, hei pawh hian a phu hle. New Artist of the Year dawngtu chu Mary Dawngi a ni a, Evenflow ten Band of the Year an la.
Traditional Singer of the Year chu tu dang ni loin Mabiaki Pachuau a ni a, Zaipawl of the Year atan MZI Zaipawl, Lamka te thlan an ni. Award ngaiihhlut Entertainer of the Year chu C. Ramengmawia (Ramboss) hnenah hlan niin, musician hrang hrangte hnenah award hlan a ni bawk.
LELTE AWARD 2023 WINNER
LENGZEM
1. Singer of the Year (Male) - H. Lalrempuia
2. Singer of the Year (Female) - Zaii Hauchhum
3. Song of the Year - Ka Pa Khuma – Saiwanah x Mary Dawngi
4. Music Video of the Year - Michelle Varte – Ka chanpual
5. New Artist of the Year - Mary Dawngi
6. Duo/Group of the Year - Rebecca x Young Fella
7. Song Composer of the Year - Saiwanah
8. Band of the Year - Evenflow
9. Traditional Singer of the Year - Mabiaki Pachuau
10. Zaipawl of the Year - MZI Zaipawl, Lamka
11. Entertainer of the Year - C. Ramengmawia (Ramboss)
12. Rap Artist of the Year - Youngfella
13. Oriental Singer of the Year - Melody G Fanai
14. Musicians of the Year -
Guitarist - K. Hminga
Bassist - Rema
Keyboardist - Lalrinzaua Khiangte
Drummer - Zt-a Khawlhring
Wind & Strings Instruments - JC Lalrempuia
GOSPEL
1. Singer of the Year (Male) - Zorema Khiangte
2. Singer of the Year (Female) - Maruati
3. Song of the Year - Minlo kai ang em – Joseph Zaihmingthanga
4. Music Video of the Year - Nun Tobul – Jonathan Lianhna
5. New Artist of the Year - C. Vanlalroluahtumi (Tumtum-i)
6. Duo/Group of the Year - Seraphic Choir
7. Song Composer of the Year - Jonathan Lianhna
8. Choir of the Year (Gospel) - Mizoram Synod Choir
9. Pavalai Zaipawl of the Year - Kanan Kohhran Pavalai Zaipawl
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024