American singer Nicole Scherzinger chu 'Sunset Boulevard' film-ah a inlan dawn tih khawthlang media ten an tarlang. He film hi kum 1950 atanga lar chho kha a ni a, an thar thawh leh dawn a ni. 

Kum 44 mi Scherzinger hian Norma Desmond role a play dawn a, a hneh sawh viau mai thei. Norma Desmond hi main character a ni nghe nghe a, Scherzinger hi a pawimawh viau dawn a ni. He show hi Jamie Lloyd chuan a direct dawn a, September thla atangin Savoy Theatre-ah kar 16 chhung tihchhuah a ni ang.

Scherzinger hian kum 2005 chho khan Pussycat Dolls atangin hming a chher chho a, hemi hnu hian solo in a kal hrang zui thung. Kum 2019-a tihchhuah musical fantasy film Cats-ah aw a thawh a, Grizabella lem a chan avangin Olivier Award-ah nomination a lo hmu ve tawh bawk - lemchan lamah a mikhual lutuk tawh bik lo tihna a nih chu.