Lemchan khawvelah mi hriat hlawh tak tak eng emaw zat an awm a, a lar ber berte hi sum la lut hnem leh hausa ber ber erawh an ni vek bik kher lo tih hriat tel a tha. American actor Tyler Perry chu lem chan thiam (mipa) zinga hausa ber a ni a, Tom Cruise, Dwayne Johnson leh Shah Rukh Khan te a khum a ni. 

1. Tyler Perry : American actor Tyler Perry hi film hrang hrangah a lo inlan tawh a, a channa langsar zualte chu - Star Trek, Gone Girl leh Teenage Mutant Ninja Turtles : Out of the Shadows te an ni a, heng bakah hian animation film-ahte pawh a lo inlan tawh thin a ni.
A hausakna hi $tld 1 zet niin, chawimawina hrang hrang - Governors Award, Humanitarian Award leh award dang eng emaw zat a lo dawng tawh a ni. 

2. Jerry Seinfeld : A hausakna hi $mtd 950 zet a ni a, sulhnu pawh a hnutchhiah ropui ang tih a chiang. American actor hi lem chan khawvela hriat hlawh ber ber - Dwayne Johnson,  Shah Rukh Khan leh Tom Cruise te chungah a awm miau avangin dah hniam theih a ni lo. 

3. Dwayne Johnson : Tun hma chuan WWE star a ni thin a, lemchan khawvelah a zuang lut fuh hle. American actor Dwayne 'The Rock' Johnson hausakna hi $mtd 800 zet a ni a, lemchang thiam mipa zinga kum khat chhunga sum lalut hnem ber dinhmun hial lo hauh tawh a nih avangin top 3-a a lang hi a mak lo. 

4. Shah Rukh Khan : Bolluwood actor zinga top 10-a lang awm chhun a ni a, a ropui zia sawi nawn a ngai lo. Hollywood tluk zetin Bollywood-ah sum a tam tih a hriat a, a hausakna pawh $mtd 730 zet a ni. 
King of Bollywood an tih hial a ni a, film pawh 80 chuang zet a chang tawh.  India rama film lama chawimawina ngaihhut Filmfare Award pawh 14 zet a dawng tawh a, civil mite chawimawina sang Padma Shri bakah Ordre des Arts et des Lettres leh Legion of Honour chawimawina te a lo dawng tawh a ni. 

5. Tom Cruise : Hollywood star hausakna hi $mtd 620 a ni a, a larzia sawi nawn a ngai lo. American actor Tom Cruise hi film lar ber berah a lo minlan tawh a, sum a lallut hnem tih pawh a chiang e. Cruise hian Honorary Palme d’Or chawimawina a lo dawng tawh a, Golden Globe Award pathum a hum haw tawh bawk. 

Heng a chunga kan tarlan bakah hian - George Clooney, Robert De Niro, Arnold Schwarzenegger, Kevin Hart leh Adam Sandler te chu top 10-ah an lang. Shah Rukh Khan chu Bollywood star zinga top 10-a lang phak awm chhun a ni a, lemchan hausa zual zingah hian American an tam ber bawk. 

Lemchan thiam hausa zual top 10
1. Tyler Perry - $tld 1 - American
2. Jerry Seinfeld- $mtd 950 - American
3. Dwayne Johnson- $mtd 800 - American
4. Shah Rukh Khan - $mtd 730 - Indian
5. Tom Cruise - $mtd 620 - American
6. George Clooney - $mtd 500 - American
7. Robert De Niro - $mtd 500 - American
8. Arnold Schwarzenegger - $mtd 450 - Austria, American
9. Kevin Hart - $mtd 450 - American
10. Adam Sandler - $mtd 440 - American