India rama chhuat leh banga phah chi leh tui dehna hmanrua chi hrang hrang siamtu hriat hlawh zing ami Somany chuan Mizoram-ah a tum khat nan vawiin chawhma dar 10 khan Somany Exclusive Store, Lena Plastic House, Bawngkawn, Sairang Road-ah an hawng thar. Lena Plastic House-a Somany Exclusive store hi Somany Ceramics Limited Sr. Vice President Sujit Kumar Mohanty chuan a hawng a, hetiang dawr Aizawla hawn a ni ta chuan customer te tan hlawkna tam tak a awm ngei a rinthu a sawi a, Somany thil siam chi hrang hrang duhthlan tur a awm tur thu a sawi. Lena Plastic House neitu Baby Lalduhawmi chuan, tunah chuan anmahni dawr thin ten phai pan kher a ngaih tawh loh thu an hrilh thin chu lawmawm a tih thu a sawi a, an customer ten phai nen danglamna a awm lo tih an hre chho zel chu an lawmna tizualtu a nih thu a sawi bawk. Somany Ceramics Limited hi 1971 a din kha niin tunah hian khawvel ram hrang 55-ah an bungrua siam te hi an thawn chhuak a, khawmualpui paruk an dap a, kum tina an pawisa che vel hi crore 2500 a chuang a, an tiles siam te hi cheng 55 man atanga intan a ni.