ZALEN October 14, 2025: Nimin khan Lengpui Airport chu Directorate General of Civil Aviation (DGCA) permit a tawp avang leh renewal a la fel loh avangin vawiin atanga Lengpui Airport-a thlawhna tum leh thlawh chhuah theih a nih loh hnuah service pangaia kalpui leh tawh a ni.

Hun engemaw chen chu Lengpui Airport-ah hian zin veivak an tangkhang a tunah chuan thuthar a awm ta. “Vawiin chawhnu dar 1:02 khan license renewal an rawn ti fel e. Flight mumal takin a kal leh nghal thei dawn e,” tih Airport authority atanga thu dawngtu chuan ZALEN a hrilh.

“License renew na hi thla hmasa Sept ni 16-ah thawn a ni a, khu lamah portal lam buai avangin an receive thei lova, Sept ni 26-ah thawn nawn leh a ni a, nimin kha last date a ni si a. Vawiinah buaina a thleng a, tunah chinfel a ni tawh e,” a ti bawk.

Directorate General of Civil Aviation hi India rama aviation lama thuneitu ber niin Thlawhna a chuangte himna tur te, Airport nih tur ang a nih leh nih loh enkawltu leh thlawhna thlawh dan tur dungtu niin niin Ministry of Civil Aviation nena inngeng tlat an nih bakah Pilot leh engineer te license petu an ni.