ZALEN December 4, 2025: Lengpui Airport chu siamthat hna thawh mek a ni a, tunlai hian thlawhna tum thei loh a awm thin chungchangah Airport lam thuneitute chuan an Runway vang ni lovin Indigo buaina zawk a nih thu ZALEN an hrilh.

ZALEN chuan thlawhna tum theih loh thu a dawn avangin Lengpui Airport Director Saideng chu a be pawh a, Airport Director hian hei hi an tum kawng (Runway) siam mek vang a nih loh thu a sawi. Indigo chu thlawhna tum theih loh thu chhuanlam hmangtu an nih thu a sawi.

Saidenga chuan nimin khan India ram pumah Indigo hian flight 200 chuang an cancel a ti a, vawiinah pawh hian an website-ah Aizawl chu Runway chhuanlama an tum theih loh thu an tarlang leh a, hei pawh hi siamthat tir nghal a nih thu ZALEN a hrilh.

Lengpui Airport Director chuan Runway te chu siamthat mek ni mahse, thlawhna an tum reng tih a sawi a, zan lamah erawh an facilities avangin tum theih a ni lo hrim hrim tih a sawi bawk.