Aizawl: Lengpui airport a thlawhna tlankawng (runway) chu a hlui tawh deuh avangin chei that tum mek a ni. Zalen thudawn danin tuna runway hman mek hi kum 2010 a chei that kha a ni a, hmun thenkhatah duhthusam lo lai a awm avangin a chei dan tur hi tun hnai khan Chief Secretary hovin mi pawimawhten an en a. A cheina sum hi Finance Department ah dil mek a niin sum pek anih veleh hna tan nghal tum a ni. Runway bakah hian terminal building pawh hian mipui a dawl zo tawh lo nia thuneituten an hriat avangin chei that tum a ni a, mahse sum remchan hunah muangchang deuha thawh tum a ni. Tun dinhmunah ni tin Lengpui tumhmunah hian thlawhna vawi 5 a tum a, hengte hi Jet Airways 2, Spice Jet 2 leh Air India te an ni.