ZALEN October 3, 2025: Lengpui Airport tlankawng chu Thlawhna pakhat Guwahati lam pan tur thlawkchhuah turin a tihkhawk avangin tlai lama rawn thlawk lut tur flight pahnih chu cancel a ni a, tlankawng hi siamthat leh tawh a ni thung.



Thlawhna thlawk chhuak tur Guwahati lam pan thlawhna hi Indigo Flight niin a thlawk chhuak tur hian Airport tlankawng hi a hrut khawk niin thu dawn a ni a, a hnua rawn tum leh tur, Kolkata leh Delhi atanga rawn tum tur tan tum ngamna chi a nih loh avangin heng flight pahnih te hi cancel a nih phah a ni.

Lengpui Airport Director Saidenga atanga ZALEN thudawn danin, tunah chuan Airport Runway hi siamthat a ni leh tawh a, vawiin thlawhna rawn tum tura tih te hi chin hriat a nih loh avangin cancel a ni a, naktuk atang chuan hman leh theih nghal tur a nih thu a sawi.