ZALEN Sept. 4, 2024; Lengpui Airport-ah trolley (bungraw nawrna) a awm nual tawh a, khualzinte tan harsatna a awm tawh lo niin a lang.

Hun kalta lamah Lengpui Airport a trolley-te chu hnathawhna atan hman a nih avangin khualzin vaivak ten harsatna an lo tawh phah tawh thin a, politics inbeihna na tak atan pawh hman a lo ni tawh.

Hnathawhna hmanrua atana trolley lo hmangtu contractor-te chu sawrkarin a thar a lei tir hnuah leh Lengpui Airport tihchangtlun hmalakna kal zelah tunah chuan trolley a harsatna lian tham a thleng tawh lo niin ZALEN chuan a hmu.

Hetihlai hian thawktu indaih tawk lohna vang nge, hmun hrang hranga trolley awm lakkhawm kawngah erawh hmabak a la awm deuh niin a lang a, trolley hi khualzinte tana awlsamna thlentu pawimawh tak a nih avangin hmasawnna awm chho deuh deuh se a duhawm hle niin ZALEN chuan a hmu bawk.

Tun dinhmuna Lengpui Airport a trolley awm zat hi chiang takin ZALEN chuan a hre thei mai lo a, 200 chuang chu a tlin ngei a rinawm.