ZALEN : April 28, 2025 chawhnu dar 3:45 vel khan Lengpui Airport panna kawng, tuikhawhthla bula lungtla chuan motor a delh a, mi pathum an thi a, he motor khalhtu chu dama lakchhuah niin Aizawl lam panpui a ni tih Sairang Police Station chuan ZALEN a hrilh.

Sairang Police Station atanga thudawnna in a sawi danin Pukpui tuikhawhthla bulah lung tlain motor pakhat a delh hi Hyundai i10 niin a registration hi MZ-04 0330 a ni a, motor-ah hian mi 4 - mipa 2 leh hmeichhia 2 an chuang nia hriat a ni a. A khalhtu mipa Lallawmzuala, S/o Lalrinliana, Falkland chu dama lak chhuah niin, damdawi in panpui nghal a ni a, midang - mipa 1 leh hmeichhe 2 te chuan nunna an chan a, thi te hi - 1.Lalrinliana H/o Lungtiawii, Falkland 2.Lungtiawii W/o Lalrinliana, Falkland leh 3.Vanlalhruaii, D/o Lalrinliana, Falkland te an ni

Aizawl atanga Lengpui Airoprt panna kawng, Pukpui kham phei National Highway-44A hi lung tlak nasatna hmun a ni a, rockfall hazard rating system (RHRS) ah pawh 500 chuang niin India rama hmun hlauhawm pawl zinga chhiartel a ni.