Aizawl; ZNP Vice President K.Liantlinga chuan Mizoram Congress sorkar chu nawr kal chawp ngai nia sawiin, "wheel barrow sorkar a ni” tiin a sawi. Zirtawp zana Tuichang South ZNP Block khawmpui New Chalrang-a neih a hmanpuina he thu hi sawiin K.Liantlinga chuan “Chief Minister mahni leilungfa leh foreigner hre hrang lo kan nei hi a zahthlak a, zo hnahthlak kan unaute khaw hal sak, hnawhchhuah an tawh mek lai khan a kut a kuangkuah a ni” a ti a. Chakma chung chang sawiin, “Ram dangmi, zo hnahthlak ni lo ten kan kerek thlengin min chim mek a, Mizoram sorkar hian a haider mai ni lovin a vulh lian mek a ni” a ti bawk a ni.