ZALEN, 16th June: Lilac & Jacks hla thar leh 'The Sky Is Ours' Original Soundtrack (OST) ni nghal bawk 'Thlah lo turin' tih chu Zirtawpni zan khan tihchhuah a ni. 

He hla hi Lilac Official YouTube channel-ah upload niin, viewer pawh an pung chak hle. 'Thlah lo turin' tih hla hi Lilac leh Bruce Pachuau te phuah a ni a, Mizo rilrem zawng tak a tih theih awm e. Lilac & Jacks-ah hian an vocalist chu Lilac a ni a, drums hi Malsawma Bawitlung niin, Rinzauva Khiangte (Keys), Bruce Pachuau (Bass) leh Ruatfela Renthlei (Guitar) te an ni a, Aengi leh Rosalyn ten Backing Vocals an pui bawk. 

Recording hi Kings and Prophets Studio kutchhuak a ni a, mixing hi Ephraim Malsawma'n a khawih thung. Music video hmuhnawm leh mit titlai tak hi Jeremy Hauhnar kutchuak a ni a, Director of Photography hi JonMizo Visuals a ni bawk. An stylist hi Andria Fanainiin, hair & make up hi Dina Varte a ni - mit leh beng a tlai tak zet. 

‘The Sky Is Ours’ film hi Wayward Production te siam a ni a, ZONET EMPAI leh RUNMAWI lamahte en theihin a awm thuai dawn a ni.