DOWNLOAD OUR APP

Read latest news on your phone
app-store
Lionel Messi-a'n PSG a chhuahsanin David Beckham-a club Inter Miami a zawm dawn?
May 19, 2022

Khawvel footballer damlai zinga mi tam takin footballer tha bera an ngaih Lionel Messi chuan, a khelh mekna PSG a chhuahsan hnuah Major League Soccer lamah lutin David Beckham-a club Inter Miami zawm dawn niin khawthlang chanchinbu thenkhatin an sawi.
   
Report thenkhat tarlan danin, Argentina football super star Lionel Messi hian French Ligue 1 palian, Paris St Germain lama a contract chu nakum June 30, 2023 khian a tawp dawn a, free agent a nih hnuah US lama Major League Soccer lama David Beckham-a club Inter Miami a zawm dawn tih an sawi a ni. 

Argentine leh Paris St Germain football star Lionel Messi chuan nakum kum laihawl khian beisei leh rin loh takin United States-a an league lian ber Major League Soccer lam a pan phut dawn nia report a ni a. Ballon d’Or tum sarih dawng tawh Messi hi tunah hian PSG-ah hian a khel chhe em em hran lo va, chuti chungin fans lam lawm a hlawh tehchiam lo. Hei vang hian PSG lamah hian a hlim tawk lova, a club hlui Barcelona lama kal mai tur ang ten sawi awm thin mah se report thar berah chuan French Ligue 1 club lian PSG lama a hun hman tur nakum 2023 June thlaa a zawh rualin MLS club Inter Miami lamah kal a duh niin an sawi.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh