Aizawl: Mizoram motor zinga 27.50% te chu Pollution Under Control Certificate test a ni tawh a, a tam ber chuan test hi an paltlanga ni. Mizoram Pollution Control Board chhinchhiah danin March 2015 thleng khan lirthei 25288 test a ni tawh. Heng zinga lirthei 24485 te chuan test hi paltlangin hnawl (tling zo lo) 803 a awm bawk a, test paltlang zat hi 96.82% a ni. PUCC paltlang zo lo zingah hian LMV tam berin 3 wheeler a tlem ber thung. Tun hnaia Transport Secretary hova Traffic Coordination Committee thukhawm chuan Pollution Under Control Certificate (PUCC) nei lo chu man a, chawitir zel nise an ti a. Meeting chuan PUCC nei lo leh neih pawh tum lo dan bawhchhia eng emaw zat an la awm avangin Transport Department-a Enforcement staff leh Traffic Police ten khauh zawkin a nei lote dap hna thawk se, dan anga document hrensak leh chawitir zel tawh nise an ti a, certificate nei lo chu Rs.1000/- chawitir nghal zel tur niin man nawn an nih chuan Rs. 2000/- zel chawitir turin an rel bawk.