ZALEN Nov 6, 2025 : 2025 : Aizawl Traffic Police hotute hnen atanga thudawn danin; AMC huamchhungah kumin January atanga September inkarah lirthei chetsualna ṭum 26 a thleng tawh a, mi-13 in nunna an chan a, hliam mi-14 an awm.

Kum 2020 atanga kumin 2025 kum kalmek chhunga Aizawl Traffic Police-ten an chhinchhiah danin lirthei chetsualna hi ṭum 141 thlengah, hliam mi-114 an awm a. Kumin January leh September inkarah, lirthei neitu leh khalhtu dan bawhchhia man, mi-7,062 awmin, two wheeler khalhtu dan bawhchia man tam berin, mi-5,126 an awm a ni. Driving licence neiloa lirthei khalh mi-323, kuminah hian Traffic Police-ten an man tawh bawk. Hei bakah hian, hlauhawm taka midang tana himloa lirthei khalh mi-62 man awm bawkin, AMC huamchunga Traffic Police-ten an man tam berah Motor vehicle rules bawhchiatna a man mi-2,251 an awm bawk. 

Kumin January atanga September inkar chhunga lirthei khalhtu leh neitu dan bawhchhia mi-7,062 man atanga Aizawl Traffice Police-ten sum an chawitir tlingkhawm chu ` 62,73,200 a tling a ni. Aizawl Traffic Police-te chhinchhiah danin nikum chhung khan lirthei chetsualna ṭum 26 thlengin mi-26 in nunna an chan a, kum nga kalta chhunga lirthei chetsualna avanga nunna chan tam ber kum a ni.

#ZalenNews