April 15, 2024; Vanlalliana (23) South Bunghmun khua, West Phaileng a Mechanic thawka awm chu nimin khan lirthei chetsualna nia hriatah a boral.

Nimin chawhnu dar 1-2 inkar vel khan Dapchhuah atanga Rawpui inkar, km 4 bawr vel Pu Zira Petrol pump thlen hma deuhin kawng laia lo let reng veivakten an hmu a, Vanlalliana hi hmuh a nih hian a boral tawh a. Thu lakna in a tarlan danin a lu a dup a, a ke ah te hliam a nei bawk a, motor sut a nih rin a ni.

Vanlalliana hi a thiante pathum nen Dapchhuah khuaah Bike lei turin an kal a, a bike lei tum hi test tur a khaw pawn lama a tlan chhuak chuan vanduaina hi a tawk ta a ni. A thianten a rei an tih tak deuh avangin an han ngaihven mek laiin a chetsual thu hi an hre ta a ni.