November 8, 2023; K. Lalramnghaka (25) s/o K. Lallawmawma, Lunglei Rahsiveng chu nizan (7.11.23) dar 7:30 khan lirthei chesual-ah a thi a, vawiin ah vui a ni ang.

Lunglei Rahsiveng khawtlang hruaitute hnen atanga ZALEN thudawn danin, K. Lalramnghaka hian scooty khalhin, Lunglei Chandmary ah a hma a truck tlan pelh a tum laiin, amah tawk zawng a lo tlan car nen an intai a, a scooty khalh a tanga a tlakna lamah truck hnuaiah inbarh lutin, truck in a chil zui a ni.

K. Lalramnghaka hi a hliam tuarlo in a boral nghal a, nizan khan a chenna, Lunglei Rahsiveng ah lumen niin, vawiin ah postmortem tih a ni ang a, chumi zawhah vui a ni ang. Amah hi nupui nei niin, fa pakhat nei tawh a ni.