Tukin (18.12.2024 )zing dar 10:00 vel khan Lawngtlai to Siaha kawng laih hna thawktu, excavator driver chu Lawngtlai bul Nalkawn thlen hma deuhah a chesual a, damdawi in panpui laiin a boral.

     Zalen thudawn danin vanduaina tawk hi kawng laih hna thawktu PMPL company a JCB operator Chandan Kumar Layak (27) niin excavator hi kangthlangah a tlak liampuia, CYLA Disaster Sub Comt. hriattir nghal a niin CYLA Disaster Sub Comt, DM&R Branch : DC office te, PMPL Company leh zin veivak mi tlawmngai te ṭangtlang chuan JCB operator hi kawngpuiah la chhuakin a rang thei ang berin District Hospital, Lawngtlai panpui nghal a ni.

Vanduaithlak takin Hospital thlenpui a nih chuan a lo boral hman a ni. Zanin tlai khan a ruang hi Dumka District, Jharkhand panpui a ni.