ZALEN August 29, 2025: Nizan dar 7 vel khan Theiri daiah Ashok Leyland MZ 02 C 2406, Khawpuimawia, Lunglei Ramthar khalh chu chesualin kawng thlang metre 30 vela thui a lum a, a hmunah ka pawh chhawn lo in driver a thi. A chuanpui R. Vanhnuna Lunglei Ramtharin hliam a tuar.

Driver Khawpuimawia ruang hi nizan khan Theiri Hall ah tlaivarpui a nih hnuin, vawiinah Tipa Damdawiin-ah postmortem a ni ang a, chumi hnuah Lunglei panpui a ni ang.

He motor hi Myanmar lam a bungraw dah haw lam a ni a, an chetsual lai hian ruahsur in chhum nasa tak a zing nia hriat a ni.

Hetia motor a chesual tih an hriat rual hian, Theiri Thalai ten an buaipui nghal a, an chetsualna hmun hi kawng thlang kham chhengchhe tak hmun a ni.

#ZalenNews