ZALEN Dec 15, 2025: Nimin khan Chamring daia lirthei chetsualna ah Rorelliana (28) a boral.

Thudawn danin nimin (14.12.25) chhun dar 12:50 vel khan Rorelliana, Lamchhip khua chu a nupui leh fate pahnih bakah a pizawn leh a pu zawnte nen Sialsuk ah alto car in an kal a, Chamring dai Sialsuk lam vaiawt pelh hnuah chesualin kawng thlangah a tlan liam a, chetsualna hmunah hian lirthei khalhtu Rorelliana hi a boral a. A pizawn leh a pu zawnte chuan hliam na tak an tuar bawk a, a nupui leh fate chu an hliam na lutuk lo nia thu dawn a ni.

Mi tlawmngaiten ruang leh hliamte hi an la chhuak a, hliamte hi damdawi-in lamah enkawl niin Rorelliana hi vawiin chhun dar 12-ah vuiliam a ni ang.