ZALEN Nov 24. 2025: Nizan dar 11:50 vel khan E. Lungdar leh Biate inkar, E. Lungdar aṭanga KM 1½ vel (PC Lungrem bulah) Champhai lam aṭanga kal Motor lian bungraw phur chu chesualin kawngthlangah a tla a, metre 150 vel ni a rin a lum a ni. 

Secretary, East Lungdar VC in a tarlan danin Motor ah hian Driver leh 2nd Driver chuangin, Motor neitu leh Driver ni bawk, Lalrinthanga kum 33 S/o Zodinthanga Champhai Zotlang chu a hmunah a boral nghal a, 2nd Driver Rualthanchama S/o Thanglawra Champhai Zotlang chu hliam na tak tuarin E. Lungdar PHC ah dah luh a ni.

Chhiattawhna thleng hi V/C leh YMA hruaituten an hriat veleh a hmunah kalin, ṭanpui hna thawh nghal a ni a. Accident thlenna lai hi ram a chheng chhia in, chet vel a harsa hle a, ṭhalai rual engemaw zat in ahmun an pan nghal bawk a, hliam leh ruang lakchhuah hna hi thawh a ni

#ZalenNews