ZALEN July 26, 2026 : Nizan dar 9:30 velah khan PC Lalvuana (59) Thingsulthliah khua chu motor-in a chil hlum.

Thingsulthliah atanga ZALEN thu dawn danin PC Lalvuana hian a fanu May 14, 2026 zanlaia bike in a chil avanga thi Zonuntluangi (23) thlanah nizanah khan kalin a haw lam chu dar 9:30 velah khan truck-in a chil hlum a ni.

PC Lalvuana ruang awmna piahah hian truck dingin, truck-a chuangte chu police-in an la a, an chhui zui mek niin ZALEN thudawnna chuan a sawi.

PC Lalvuana ruang hi nizanah khan lumenpui a ni a, vawiinah postmortem niin, chhun dar 12 khan vui a ni.

Tarlan tawh angin PC Lalvuana fanu Zonuntluangi (23) chu May 14 zanlai velah khan Chanmari, Aizawlah bike leh scooter intai vangin a thi. Zonuntluangi hi scooter hnungah chuangin, chetsualna hmunah a hliam tuar loin a thi.