ZALEN, Sept. 5, 2024; Passenger phur chi lirthei ten chuan man (fare) bithliah an zawm that loh avangin, Aizawlah online hmanga lirthei koh theihna (Online Cab Booking System) kalpui a ni dawn.

Transport department tarlan danin, Mizorama passenger phur chi lirthei (public transport) chuan man chu State Transport Authority (STA) in a siam thin a. Hei hi lirthei neitu ten an zawm tha tawk lo hle thin tih hriat a ni.

Hemi avang hian mipui ten lirthei chuan man dik tak man chawia an hman theih nan leh awlsam zawka lirthei hire tur an koh theihna turin STA, Mizoram in online hmanga lirthei koh theihna (Online Cab Booking System) kalpui turin hma a la mek a ni.

He hmalakna hi Aizawl khawpuiah kalpui hmasak (pilot project) nise tih a ni a, he ruahmanna hi tihhlawhtlin a nih hunah chuan mipui ten lirthei hire man dik tak an chawi thei tawh tura beisei a ni.